CAGAYAN DE ORO CITY – Gipangunayan ni Police Regional Office 10 Director Brig Gen Jaysen De Guzman ang pagsusi sa ilang mga sakop nga gikatag sa nagkadaiyang bahin sa Northern Mindanao.
Kini aron sutaon kung napatuman ba ang security implementation plan nga gipasunod sa national headquarters sa Philippine National Police alayon sa Mayo 12 nga eleksyon ugmang adlawa.
Gusto ni De Guzman nga makuha ang 100 porsiento nga kahusay’g kalinaw sa pagbotar sa katawhan hangtod nga ma-deklara na ang mga mananaug nga mga kandidato.
Dumduman nga anaa sa full alert status ang PRO 10 diin gikatag nila ang sobra 12-mil ka pulis inabagan sa mga sundalo,mga personahe sa Philippine Coast Guard Northern Mindanao aron makuha ang ‘zero violence’ nga kasuguan ni PNP chief Gen Rommel Marbil.
Hisayrang tipik sa gihataga’g hugot nga seguridad ang lungsod sa Nunungan nga nagbinugtong nga naka-red category sa areas of concern sa Lanao del Norte.
