Walay sagol sa motibong-politika ang gihimong imbestigasyon sa usa sa mga komitiba sa kamarabaha kabahin sa paggasto ni Vice Pres Sara Duterte sa iyang nadawat nga pondo ubos sa Office of the Vice President.
Kini ang simple nga pag-obserbar ni IBP-Misamis Oriental chapter member Atty. Eddie Cuaresma kon nganong nag-imbestigar pa gihapon ang maong komitiba bisan kamulo na nga gituki sa plenaryo sa kamara ang 2025 national budget sa Marcos administration.
Miingon si Cuaresma nga trabaho sa mga magbabalaod ang pagsiguro kon giunsa paggamit ang mga pondo sa matag-ahensiya sa gobierno kay salapi kini gikan sa katawhan.
Una nang namahayag si VP Sara nga dili kabahin sa OVP budget spending ang tuyo sa imbestigasyon apan himoong basehan alang sa giluto nga impeachment case batok kaniya.
