Gibarugan ni Atty. Manuelito Luna nga usa lamang ka “tinunto” ug walay lig-ong legal nga basehan ang nagpadayong impeachment proceedings batok kang Vice President Sara Duterte.
Sumala sa abogado, klaro kining paglapas sa Article XI, Section 3, subparagraph 2 sa Konstitusyon. Gipasabot ni Luna nga ang balaod nagmando nga ang mga hearing ug desisyon kinahanglan lamang ipahigayon samtang “in session” ang Kongreso ug dili panahon sa recess o legislative break.
Giklaro ni Luna nga dili pwedeng gamiton sa mga magbabalaod ang House Resolution Number 892 aron ipamugos ang proseso, tungod kay kinahanglan gayod sundon ang gitagal nga 60 session days nga gilatid sa balaod.
Tungod niini, gikatakdang mosangat ang kampo ni Luna og petisyon alang sa usa ka Temporary Restraining Order (TRO) sa Korte Suprema.
Tumong niini nga mapahunong ang giingon niyang “void” ug ilegal nga lakang sa komite, aron mapanalipdan ang integridad sa proseso ug masiguro nga walay malapas nga balaod sa pag-atubang sa mga impeachment complaints batok sa Bise Presidente. – (jane abulag)
