CAGAYAN DE ORO CITY – Gipa-esplikar karon ni COCPO Director Col Aaron Mandia si Divisoria Police Station commander Sebastian Chua Jr kabahin sa nag-viral video diin nasapon ang iyang pipila ka pulis nga nangdagmal sa mga batan-on nga nalambigit sa karambola sa Corrales Avenue ning syudad.
Miingon si COCPO spokesperson Lt Col Evan Viñas nga dili mahitabo nga sa panahon ni Mandia nga dunay mga pulis nga mopasakit sa mga dinakpan nga suspek sa kremin o ngilngig nga panghitabo.
Kini ang hinungdan nga gilayong mihatag sa pagpasabot ang COCPO sa publiko kabahin sa maong viral footage.
Una niini,nabahin ang reaksyon sa Bombo Radyo Cdeo FB page diin may mi-depensa sa gihimo sa pipila ka pulis ngadto sa mga dinakpan samtang ang uban mi-kuwestiyon usab sa maong taras.
