Gikalipay sa mga PUJ drivers sa syudad ang halos balik‑normal nga kinitaan human sa halos duha ka bulan nga pagsaka‑kanaog sa presyo sa krudo tungod sa tensyon sa Silangang Sidlakan.
Namahayag si Markjen Suello, usa ka PUJ driver sa Bonbon Drivers Association (BONODA), nga lakip sa ilang gikalipay mao ang pagdawat sa ₱5,000 ayuda gikan sa DSWD nga dugay‑dugay napending tungod sa kakulian sa proseso sa distribusyon.
Karon nga nagkaubos na ang presyo sa lana, gipahibalo usab ni Suello nga balik ₱12 pesos na ang minimum fare sa ilang rota.
Sa nagkadool nga pag‑abri sa klase sa mga tunghaan sa syudad, naghinaot ang BONODA nga mas estriktohon pa sa dakbayan ang pagbantay sa kadalanan ilabi na sa mga mangagi sa pedestrian lane, mga gahig‑ulo nga drivers nga dili mogamit sa yellow box sa pag‑unload og pasahero, ug sa pagsita sa mga nag‑parking sa yellow box nga makapalisod sa mga jeep nga mag‑unload og pasahero.
