Mi-apelar ang kaparian sa Jesus Nazareno Parish sa tanan deboto ug adunay kasilik-an sa panglawas, mga masakiton, uban sa mga mabdos ug katigulangan nga galisud na sa paglakaw nga mutambong nalang sa night vigil ug likayan ang pagsalmot sa Traslaccion sa Itom nga Nazareno. Kini ang panawagan ni Rev. Msgr. Nathaniel Lerio kay nasayud ang kaparian sa kakapoy nga ilang bati-on kung musalmot sa taas nga pagbaktas, ug pagmata sa sayu sa kadlawon. Mipasabot si Lerio nga responsibilidad sa mga pulis nga tabangan mga deboto nga adunay tawaga sa emerhensiya apan, mas maayo nga sa simbahan nalang sila maghulat kay masabtan man kini sa Kahitas-an. Namugos si Lerio nga ang traslaccion angayan lang sa mga physically fit, aron walay matala nga angol o simbako, mamatay, samtang gihimo ang traslaccion.
