Giklaro ni City Information officer Jade Adeser nga walay gipatuman nga “quota” o limitasyon sa gidaghanon sa mga driver ug operator nga makadawat sa ayuda, basta sila kwalipikado ug kompleto sa rekisitos.
Sa kasamtangan, gipaspasan na ang validation process aron masiguro nga ang tanang lehitimong nagbiyahe sulod sa siyudad maapil gayod sa listahan.
Human sa validation, ang maong listahan iduso dayon sa DSWD ug Finance Department alang sa dinaliang paggahin ug pagpagawas sa pundo.
Hugot usab nga ipatuman ang “deduplication” aron malikayan ang doble nga madawat nga tabang ug masigurong limpyo ang pinal nga listahan sa dili pa ang payout.
Kini nga lakang nagtumong nga mahatagan og patas nga kahigayonan ang tibuok sektor sa transportasyon nga naapektuhan sa sitwasyon dili lang kay sa dakbayan kundili sa tibook kalibutan. (jane mae abulag)
