Gipakusog sa anti-cybercrime group ang pagmonitor sa mga kaso sa love scam sa Pilipinas, ilabi na sa nagkadaghan nga krimen nga ginabuhat pinaagi sa social media.
Sumala ni PCOL Lemuel B. Gonda, chief sa Regional Anti-Crime Unit 13, padayon karon ang ilang awareness campaigns nga gipunting sa tanang age groups nga posibleng mabiktima sa love scams ug uban pang cybercrime.
Lakip niini ang mga estudyante, mga propesyonal, ug mga anaa na sa pangidaron.
Gipahinumdoman ang publiko nga magbantay ug dili magpadala sa mga social engineering schemes nga kasagarang ginabuhat sa mga scammer.
Kini naglakip sa pagpangayo og kwarta, sensitibong hulagway, personal nga impormasyon, ug uban pang detalye nga mahimong gamiton isip taktika sa pagpangilad pinaagi sa peke nga relasyon.
Gi-awhag usab ang katawhan nga mag-amping sa ilang online interactions ug dayon mo-report sa mga kahimtangan nga nagpakita og timailhan sa love scam aron malikayan ang dugang nga biktima sa maong krimen
