CAGAYAN DE ORO CITY – Gihunong una sa City Comelec 1st District Office ang pagdawat sa dugang aplikasyon sa mga residente nga mahimong lehitimong mga botante sa 2025 elections ning syudad.
Kini aron maka-pokus ang Election Registration Board pagsulbad sa opposition complaints nga giduso sa 31 ka residente batok sa sobra 3-mil 900 ka botante nga gikan sa ubang bahin sa lalawigan ug kabarangayan ning syudad nga magsilbing molopyo na sa Brgy Carmen.
Namahayag si City Comelec 1st District Office head Atty Joel Dexter Nagtalon nga dili kini paglisud-lisod sa katawhan ang ilang gihimo apan gitubag lamang ang lehitimong reklamo nunot sa kalit pagsaka sa mga residente nga namalhin sa ilang voter’s registration sa maong brgy.
Hisayrang gilugwayan sa 12 ka adlaw ang pagdungog sa maong reklamo ayha sila mohukom kon angay ma-rehistro o dili ang mga aplikante gikan sa laing mga lugar.
Una usab niini,gibutyag ni Comelec 10 regional director Atty Renato Magbutay nga dili sila magpanuko pagbasura sa mga aplikasyon kon masuta nga dunay mga kabilinggan o kuwestiyon sa legalidad sa rehistro.
