CAGAYAN DE ORO CITY – Idangop ni Cagayan de Oro 1st District Cong. Lordan Suan kang Pres Bongbong Marcos ang contractual conflict tali sa Cagayan de Oro Water District ug Cagayan de Oro Bulk Water Incoporated o COWD-COBI nga na-politika na dinhi sa syudad.
Miingon si Suan nga sulayan niya’g hangyo ang presidente nga molugwa’g kamanduan pagsulbad sa bangi sa bayrunon sa duha ka panig.
Namahayag ang kongresista nga gusto sa katawhan ang lahutay nga sulbad sa giatubang nga suliran sa COWD ug dili ang ‘band aid’ solutions.
Sa miaging adlaw,gimanduan sa korte ang COBI nga ipabalik pag-agas ang barbola sa tubig aron dunay magamit ang katawhan sa distrito uno,porsyon sa distrito dos ug Opol ning lalawigan.
Dumduman nga nahangyo ni Suan ang Local Water Utilities Administration o LWUA nga ipatagbo aron magkasinabot ang COWD ug COBI sa ilang bayrunon apan pabiling tig-a ang duha ka panig sa miaging Abril 30.
Miani pa sa pagsaway ni City Mayor Rolando ‘Klarex’ Uy ang gihimong inisyatiba ni Suan kay nganong manginlabot ang kongresista sa suliran sa panubig.
Apan tubag sa batan-ong kongresista nga dili niini kinaiya nga magtanga sa pagpangita’g sulbad kay distrito uno ang apektado sa maong suliran.
