CAGAYAN DE ORO CITY – Gipalig-on pa ni City Mayor Rolando ‘Klarex’ Uy ang paghupay sa gibating kabalaka sa katawhan pag-abot sa suplay sa panubig sa syudad.
Kini human nakuha niya ang pasalig sa tag-iya sa Rio Verde nga si kanhi Palawan Governor Pepito Alvarez nga dili mohunong pagsuplay sa tubig sa COWD alang sa katawhan sa dakbayan.
Namahayag si Uy nga mismo si Alvarez ang midalikyat sa iyang buhatan aron ihatag ang kasiguruhan nga walay putol nga mahitabo bisan sa bahad sa COBI nga nagpalit kanila sa tubig.
Samtang gisaway ni kanhi City Mayor Oscar Moreno ang paagi sa city hall nga mismo pa nga nanghadlok sa katawhan nga maputla’g tubig ang dakbayan.
Kini human gipalanog usab sa city hall nga angayang mangandam ug magsalod nang daan sa tubig ang katawhan kon pananglitan mapakyas ang negosasyon sa COWD ug COBI kagahapong adlawa.
Miingon ang kanhi mayor nga dako’g negatibo nga epekto ang gihimo sa city hall dili lang sa katawhan apan bisan sa mga negosyante gikan sa kauluhan.
Sa pikas bahin,mihimo na’g kaugalingong inisyatiba si 1st District Rep. Lordan Suan sa giatubang nga suliran sa panubig sa syudad.
Namahayag ang kongresista nga may giduulan na usab kining mga nasudnong opisina aron mahilot na ang isyu sa bayrunon ug suplay sa panubig nga giatubang sa COWD ngadto sa COBI.
Apan nagdumili ang kongrersista pagsulti kon kanus-a mo-epekto ang pagduol niya sa nasudnong mga ahensiya alang dinhi sa sa dakbayan.
