Ning adlawa, ang National Chong Xen Institute of Science and Technology, nga sakop sa militar, nagpakita sa tolo ka bersyon sa mga iro sa Taipei nga gibase sa teknolohiya sa Ghost Robotics sa US.
Namahayag ang institute nga ilang gi-dugang ang kaugalingong teknolohiya aron magamit sa reconnaissance, surveillance, ug ang “fire power dog” nga adunay pusil sa likod.
Gibutyag ni Jen Quo Quang, deputy head sa missile ug rocket systems research division nag-ingon nga ang militar nanginahanglan sa ingon ani nga mga himan apan, gihulatan pa nila ang pinal nga mando sa ilang kadagkuan.
Hisayran nga ang Marines ug Coast Guard sa Dong Sha ug Nan Sha namugos nga dako ang panginahanglan sa patrol ug inspeksyon. Samtang ang Taiwan’s Army gusto usab gamiton kini sa kampo militar.
Ang Nan Sha ug Dong Sha mao ang Spratley ug Pratas Islands nga gusto angkono sa China, apan, gisalikway kini sa gobyerno sa Taiwan ug giingon nga ang coast guard mao ang responsable sa depensa sa mga isla.
