CAGAYAN DE ORO CITY – Madugayan pa ang pagbalik operasyon sa kompanyang Philippine Sanjia Steel Corporation nga nakabase sa Brgy Baluarte,Tagoloan,Misamis Oriental.
Kini taliwala sa ilang giatubang nga sa mga isyung-legal sa kagamhanan.Gibutyag ni DENR Assistant Secretary Norlito Eneran sa ilang pagbisita sa Cagayan de Oroo diin gikanselar na sa Environmental Management Bureau pinaagi sa ilang director Michael Masas ang Environmental Compliance Certificate o ECC sa kompanya.
Miingon si Eneran nga pinasikad ang kanselasyon sa nadiskobre sa Philippine Nuclear Research Institute nga radio active materials sa compound sa kompanya.
Gawas niini,nasuta usab sa DENR nga nakasupak ang kompanya sa Clean Water Act of the Philippines,Clear Air Act of the Philippines ug Environment Impact System of the Philippines.
Dumduman nga gironda sa gobiernong tropa ang Sanjia niadtong Mayo 16 ug adunay 71 ka empleyado nga gipangdakop ug gipang-priso didto sa kauluhan.
Apan alang sa panig sa Sanjia nga nagtuman sila sa mga balaod ug wala sukad nakasupak sa mga lagda nga gipatuman sa Pilipinas sa hisgutanan sa ilang gisudlan nga Negosyo nga nakabase sa duluna sa Phividec.
