Mihatag katin-awan si Santo Papa Leon kalabot sa iyang tubag sa mga nangaging adlaw, kalabot sa aslom nga mga kritisismo ni United State President Donald Trump.
Sa iyang pagpadulong sa Angola, miingon si Pope Leo XIV nga bisan wala pa mihatag sa mapait nga pulong si Trump ang iyang tubag nagsumikad pa sa daghang mga adlaw nga wala pay gubat sa Middle East.
Namugos kini nga kanunay anaa sa kalinaw, panaghiusa, ug pag-ampo sa mga nangamatay ug naipit sa gubat ang iyang gipalanog. Gipamugos usab niini nga wala siyay interes nga tumpangan ang presidente sa Amerika, ilabe nga posibleng walay tawo nga makapasabot kang Trump sa unod sa iyang mensahe.
Nagtoo ang Santo Papa nga inay pasabton ang Presidente, daghan ang naglumba sa pagkontra-komentaryo sa iyang mga mensahe sa kalinaw.
