CAGAYAN DE ORO CITY-Nakaandam na ang hugot nga seguridad nga ipatuman sa mga otoridad sa umalabot traslacion sa Black Nazarene sa lungsod sa Iligan.
Kini human giangkon ni Iligan City Information Officer Joe Pantoja nga may mga armado nga naglaraw mohimog kagubot sa ilang lugar sama na lamang sa Maute-ISIS inspired group ug mga rebeldeng New Peoples Army (NPA).
Gibutyag ni Pantoja nga bisan paman niubos na sa level 2 ang bahad sa paglusob sa mga dautang elemento, dili gihapon sila mokumpyansa.
Tungod niini, hugot ang pagpangandam sa mga pulis, militar ug uban pang force multipliers sa pagbantay sa mga tawong mouban sa traslacion karong Enero 9 sa maong lungsod.
