CAGAYAN DE ORO CITY – Nagkapinasayluay na ang panig ni Tablon Punong Barangay Romeo Bacarro ug panig sa kompanyang Cofipac Corporation sa Purok 10,Brgy Tablon ning syudad.
Kini human unang mi-resulta sa panaglalis ang gihimong pagsita ni Bacarro sa motorsiklo nga padulong sa kompanya kay ihatod ang usa ka babaye nga empleyado niini.
Sa bersyon ni Bacarro nga nag-biking kini kuyog sa iyang mga higala dihang mihangyo sila sa drayber sa wing van pasulod sa crossing diin nakabase ang kompanya nga sila una ang ipauna tungod sa ka delikado sa highway sa disgrasya.
Apan diriyot na hinoon sila napunggit kay dunay mikalit pagbuthonga motorsiklo hinungdan giapas nila aron mapasabot ug nagkauyon ra.
Apan sa wala damha,kalit mi-eksena ang sekyu sa kompanya ug nagkainitay na ang duha ka panig.
Sa panig usab sa mga saksi,giingong nakaabot ang sekyung babaye sa lokasyon nila ni Bacarro kay aron pabugnawon ang sitwasyon.
Apan giingong naharas sa mga sakop ni Bacarro ang sekyu rason nga natigayon ang wala damha nga eksena.
Kini ang rason nga dunay video nga nanghiwi ang sekyu sa grupo sa barangay kapitan ug may eksena pa nga mikuha kini sa iyang isyu nga armas sulod sa hunos.
Hinoon,pagbugnaw sa sitwasyon dungan nga midalikyat ang mga representante sa kompanya ug security agency ingon man ang duha ka sekyu aron mahusay.
Sulti ni Bacarro sa interbyu sa Bombo Radyo nga nahusay na ug nagpadumdom nga unta dili masubli ang dili maayong eksena.
