Gipahimangnoan sa Senado si Senator Ronald “Bato” dela Rosa nga motubag sa ethics complaint nga gisang-at batok kaniya.
Sumala ni Senate President Vicente “Tito” Sotto III, iyang gi-rekomendar sa Senate Ethics Committee nga padalhan sa sulat si dela Rosa aron motubag sa mga reklamo, susama sa usa ka “show cause order.”
Gipasabut ni Sotto nga kini usa ka paagi aron tagaan sa higayon ang Senador kon ngano nga dili siya angay silotan tungod sa padayon nga pagbiya niini sa iyang trabaho.
Dugang pa ni Sotto, hangtod karon wala pa’y komunikasyon nga nadawat gikan kang dela Rosa sukad sa iyang paglikay sa pagtambong sa sesyon. (phillip ariata)
