Nagdumili si Senate Committee on Finance Chair Senator Sherwin Gatchalian sa sugyot nga ipa‑reschedule pag-usab ang 2026 Barangay ug Sangguniang Kabataan Elections (BSKE).
Gibutyag ni Gatchalian nga kini “unconstitutional” ug makapawala sa katungod sa mga botante nga mopili sa ilang gustong opisyal.
Matod ni Gatchalian nga dili kulang ang pondo sa gobyerno alang sa mga ayuda ug ang P9-bilyon nga naka‑andam para sa BSKE gamay ra kung itandi sa P230-bilyon nga pondo para sa social aid programs.
Samtang gipasabot usab sa Comelec nga bawal gamiton ang election budget sa lain nga katuyoan gawas kung usbon ang balaod, diin obligado silang motuman sa desisyon sa Kongreso.
