Gi-anunsyo ni Senador Imee Marcos nga mipasa siya’g resolusyon nga nagmando sa komite sa senado nga angayan imbestigaran ang gi-ingong money delivery scheme nga gikalambigitan sa 18 ka mga kanhi Philippine Marines nga nagtrabaho isip security aid ni kanhi Congressman Zaldy Co.
Si Marcos, nagpatawag sa press briefing aron matin-awan ang tumong sa paggula sa dul-an 19 ka kanhi sundalo ug kung unsa ang ilang matuod nga partisipasyon sa report nga usa sila sa naghatag sa assistance sa pagtransport sa mga maleta sa pipila ka opisyales sa gobyerno nga nakig-uban sa representante sa International Criminal Court (ICC).
Namahayag si Marcos nga ang imbestigasyon nagtumong sa pagsuta sa kamatuoran luyo sa mga alegasyon aron mapapanubag ang mga nangawat sa kwarta sa katawhan gikan sa flood control project sa Department of Public Works and Highways (DPWH).
Una nang gitin-aw ni Marcos nga naglikay ang senado nga mulusad sa “trial by publicity” aron dili masaypan ilang tumong, ug ang iyang resolusyon wala magpasabot nga otomatik molusad sa imbestigasyon ang senado.
