Dismayado si Senator JV Ejercito human makumpirmar ni Department of Justice (DOJ) Secretary Fredderick Vida nga wala na sa kustodiya sa Czech Republic si kanhi Ako Bicol Partylist Representative Zaldy Co.
Sumala ni Ejercito nga dakong kapakyasan ang pagkahimulos ni Co sa kahimtang ug nawala ang oportunidad nga matubag ang daghang pangutana bahin sa flood control projects anomaly.
Gipamugos sa Senador nga kinahanglan mabalik si Co sa Pilipinas aron manubag sa alegasyon sa korapsyon ug maila na sa publiko ang uban pang nalambigit.
Gibug-aton usab ni Ejercito nga katungod sa katawhan ang pagkahibalo sa kamatuoran ug dili angay nga malimtan ang maong isyu aron makab-ot ang hustisya. (phillip ariata)
