Kinahanglan mahatagan sa kahigayonan nga magamit ang tanan legal nga remedyo sila Senador Bato dela Rosa ug Christopher Bong Go, kalabot sa kasong gi atubang sa International Criminal Cour (ICC).
Namahayag si Senate President Pro Tempore Panfilo “Ping” Lacson nga ang mga lokal nga korte adunay natural nga proseso sa Pilipinas kinahanglan respetohon sa bisan unsang aksyon nga buhaton sa ICC, human nga mailhan sila Go ug Dela Rosa nga kuno mga co-perpetrators sa kampanya kontra droga sa miaging administrasyon.
Ang senador mitin- aw nga kon adunay ipagawas nga warrant of arrest ang ICC o bisan unsang langyaw nga korte, kinahanglan kini moagi sa lokal nga korte nga mao’y magpagawas sa hustong mando sa wala pa kini ipatuman sa nasud.
Dugang pa sa senador, hisgutan sa Senado ang mga posibleng lakang, lakip na ang bisan unsang tabang nga mahimong ihatag sa duha ka senador.
Posible usab nga magpatawag sa caucus si Senate President Vicente “Tito” Sotto III aron makonsulta ang mga miyembro sa senado.
