“Nakakarindang”.
Kini ang mubo nga reaksiyon ni Atty Jojo Lacanilao, Constitutional lawyer ug head convenor sa Duterte Panagutin Network Campaign, sa pagdakop kang Senador Jinggoy Estrada samtang nagsesyon ang senado, kagahapon.
Ang arrest order nagsumikad sa Sandiganbayan ug gi-implementar sa Department of Interior and Local Government (DILG) pinaagi ni Secretary Jonvic Remulla.
Miingon si Lacanilao nga usa ka “independent body ang Sandiganbayan ug posibleng nakita nila nga adunay probable cause sa kasong plunder nga gisang-at sa Ombudsman. Hisayran nga subay sa balaod sa Pilipinas, mahimong masikop ang usa ka senador samtang nagpadayon ang sesyon pinasikad sa 1987 Philippine Constitution, Article VI, Section 11.
Subay sa balaod, bisan kinsa mahimong masikop ug wala silay immunity kung ang kaso kung ang ilang gi-atubang nga silot mulungtad sa kapin unom ka tuig sa pagkapriso.
Lakip niini ang mga kaso sama sa plunder, murder, ug graft, nga giisip nga bug-at nga mga sala nga dili mabailo.
Una niini, gitin-aw ni Atty Lacanilao nga ma-abtan pa sa taas nga tuig ayha makapagawas sa ruling ang korte kung si Estrada ma-acquit o makombikto, base sa ilang mahipos nga mga ebidensya
