Gipadayag ni Kyle Chester Javier Cotacte sa Akbayan Youth ang iyang dakong kabalaka mahitungod sa kasamtangang kahimtang sa Senado.
Sa iyang obserbasyon, daw nahimo nang usa ka sitcom o usa ka serye sa telebisyon ang mga deliberasyon sa mga senador karon. Dugang pa niini, gikasubo ni Cotacte nga nawala na ang matang sa integridad ug taas nga lebel sa respeto nga gipakita kaniadto sa mga magbabalaod sama nila ni Nene Pimentel, Tito Guingona, ug TG Guingona.
Imbes nga hisgotan ang mga mahinungdanong balaod sama sa cheaper medicines law ug local government code, naobserbahan ni Cotacte ang pagkatap sa mga fake news ug pagmanipula sa publiko.
Busa, nanawagan siya nga kinahanglan gayud nga mobalik ang lebel sa pagkapanubagon ug maayong pamatasan sa pagdebate sulod sa senado aron dili kini magdalag kaulawan ug makaguba sa dignidad sa senado
