CAGAYAN DE ORO CITY, Philippines – Nag-alinsoso ang kalagot ni Senate Majority Leader Senator Joel Villanueva dihang nagtisar sila sa committee hearing sa senado ni Zhang Mier o mas naila sa ngalan nga Shiel Leal Guo.
Wala mapug-ngi ni Villanueva ang pagpangtana kang Guo kung duna ba kini amnesiya tungod sa iyang walay klaro nga tubag.
Nakita usab sa mga senador ang daghang “inconsistencies” sa iyang pagsaysay kung sa unsang pamaagi ug mga adlaw nga sila (Alice Guo, Cassandra Li Ong, Wesley Guo) migawas sa Pilipinas, patabok sa Malaysia, Singapore, ayha napadpad sa Indonesia.
Si Guo, kasamtangang dunay gi-atubang nga upat ka kaso.
Duha niini ang paglapas sa Republic Act 11983 human migamit kini sa peke nga pasaport, ug paglapas sa Article 150 human wala kini mipatim-aw dihang gipatawag sa senado.
Gikompirmar ni Justice Secretary Jesus Crispin Remulla nga kining mga kaso gi-file sa senado sa Department Of Justice sa milabay’ng semana.
Susamang kaso ang gisang-at sa Kamarabaha sa National Bureau of Investigation (NBI) kundiin, midugang niini ang obstruction of justice for harboring, concealing, or facilitating the escape of a criminal offender.
Hisayran nga ang igsoon ni Guo nga si dismissed Bamban Tarlac Mayor Alice Guo gisang-atan sa 87 counts sa money laundering kundiin, posible kining madugta prisohan kung mapamatud-ang guilty.
