“Never under attack”. ‘
Kini ang prangka nga tubag ni Palace Press Officer Atty Claire Castro, sa gipamugos ni Senate President Alan Peter Cayetano nga gi-atake ang Senado niadtong Mayo 13 sa gabie.
Sa press briefing sa Malacañan, gitin-aw ni Castro nga wala sukad atakeha ang gambalay sukwahi sa pahayag ni Cayetano ug uban pang mga senador sama sa nila Presidential Sister Imee Marco, ug Senador Pia Cayetano.
Gi-awhag sa tigpamaba nga hulatan ang resulta sa gilusad nga imbestigasyon sa National Bureau of Investigation (NBI) ayha musulti kung gi-atake ba ang gambalay.
Gawas niini, gisalikway ni Castro ang pahayag sa presidente sa Senado kay dili kini matood ug opinyon lamang.
