CAGAYAN DE ORO CITY -Dili mahuptan sa city government ang Seal of Good Local Governance (SGLG) gikan sa DILG-Manila kon napasagdan pa ang pagdumala sa dakbayan.
Kini ang tubag ni incumbent City Mayor Rolando ‘Klarex’ Uy sa pasangil ni kanhi City Mayor Oscar Moreno batok sa iyang administrasyon.
Miingon si Uy nga pulos na lang paghinaway ang nahibaw-an ni Moreno bisan kon mismo sa iyang panahon natigayon ang mismanagement sa syudad.
Siya miingon nga ang maong pasidungog nga nadawatan sa dakbayan gikan sa kauluhan tuig 2023 ang bugtong saksi sa mga paningkamot sa dakbayan.
Gipasigarbo usab ni Klarex nga bugtong ang Cagayan de Oro lang sa tibuok Pilipinas nga nagbaton sa taas nga scholarship programs nga Misaka pa sa 15-mil ka city scholars.
