CAGAYAN DE ORO CITY – Dili drogang cocaine apan shabu lamang ang nabawi sa tropa sa Regional Drug Enforcement Unit 10 gikan sa duha ka suspected pushers nga unang nadakpan sulod sa inn sa Brgy 9 ning syudad.
Kini human unang nakurat ang kadaghanan nga nasudlan sa maong klase sa ilegal nga droga ang dakbayan nga sagad mahitabo didto lang sa kauluhan.
Namahayag si PRO 10 Director Brig Gen Ricardo Layug Jr nga sukwahi sa unang sulti sa mga suspek nga 300 gramos nga cocaine ang nabawi sa RDEU,milugwa sa laboratory test nga kini shabu lamang.
Kini ang rason nga gitul-id ni Layug ang impormasyon nga unang gisulti sa nakasuhan nang mga suspek nga sila alyas Jun nga taga-Lanao del Sur ug alyas Hadji nga naggikan sa Cavite.
Hisayrang balor sa P3.1 million ang nabawi gikan sa mga suspek nga naglakip sa 500 gramos nga shabu ug high grade marijuana rason nag-atubang sila sa kasong kriminal sa piskalya ning syudad.
