CAGAYAN DE ORO CITY – Gipusil-patay sa naka-motorsiklong armadong suspek ang trisikad driver samtang anaa kini sa dalang Yacapin,Cogon Public Market ning syudad kaganihang kadlawon.
Giila ni Cogon Police Station commander Captain Abdulcahar Armama ang biktima nga si Samiroden Domato Manali,35 anyos,temporaryong nagpuyo sa CEDAR,Brgy Camaman-an ning dakbayan.
Subay sa inisyal nga imbistigasyon nga hilom giduulan sa armadong suspek ang bikima ug gilayong pusil sa ulo nga bahin hinungdan sa kamatayon niini.
Nadamyos usab ang nakaparadang kolor green nga mini-van kay milahos ang mga bala nga sa pagpusil sa suspek ngadto sa biktima.
Dali nga misibat ang suspek sakay sa iyang motorsiklo gikan sa crime scene.
Hisayrang pila lang ka lakang ang mismong Cogon Police Station ug ang lokasyon sa nahitabuan sa kremin.
