Gisiguro ni Senate President Vicente “Tito” Sotto III nga andam ang Senado kung mosaka na ang articles of impeachment batok ni Vice President Sara Duterte.
Matod ni Sotto, lig-on na ang ginahimong preparasyon para niini ug kumpiyansa siya nga matuman sa Senado ang katungdanan niini kung i-transmit sa Kamarabaha ang reklamo human kini makit-an sa “probable cause” sa House Committee on Justice, kondiin mosaka na dayon kini sa plenaryo.
Gipadayag usab ni Sotto nga posible nga dali ra maka-convene ang Senado isip impeachment court, apan adunay proseso ug mga preparasyon nga kinahanglan sundon.
Dugang pa niya nga ang pagsugod sa impeachment trial magdepende sa paspas sa pag-sumiter sa mga dokumento nga gikinahanglan alang sa pag-hukom. (phillip ariata)
