Gihagit karon sa Student Council Alliance of the Philippines (SCAP) ang mga opisyales sa edukasyon nga tun-an og maayo ang plano nga himuong tulo ka tuig na lang ang kurso sa kolehiyo.
Matud pa sa grupo, kinahanglan masiguro nga dili masakripisyo ang kalidad sa pagtulun-an bisan pa man og mubo na lang ang panahon sa pagtungha sa mga estudyante.
Gisugyot sa alyansa ang pagtangtang sa mga subjects nga wala nay pulos sa kurso aron mas mapokus ang pagbansay sa mga batan-on sa ilang gipili nga propesyon.
Gipahimangnoan usab nila ang kagamhanan nga paminawon ang tingog sa mga tinun-an sa dili pa hingpit nga ipatuman ang maong dako nga kausaban sa sistema.
Nanawagan ang SCAP og saktong research ug konsultasyon aron maseguro nga kining maong lakang makatabang sa pag-uswag sa edukasyon sa nasod
