CAGAYAN DE ORO CITY – Gusto imbestigaran ni Mindanao Affairs Committee chairman Misamis Oriental 2nd District Cong. Bambi Emano ang pagtandi sa usa ka political analyst sa Mindanao nga ‘sub-Saharan African level’ ang kahimtang sa ekonomiya.
Kini human wala matago sa kongresista ang nag-viral nga social media post sa pagsampit ni Richard Heydarian nga matandi ang ‘human devt index’ sa Mindanao sa Sahara,Aprika diin daghan sa mga tawo ang grabeng kalisod.
Gipamulong ni Emano sa iyang senemana nga tulumanon sa radyo nga kung giuyunan ni House Speaker Martin Romualdez nga makahimo sila’g imbestigasyon,himoon niya kini mismo dinhi sa Mindanao.
Kini sa tuyo nga makita sa plastik niyang mata kung unsa ang kalambuan sa Mindanao.
Siya miingon nga dili na unta angay tumpangan ang klase sa pagkatawo ni Heydarian apan kon uyunan sa kamara, pangunayan niya ang paghimo sa imbestigasyon.
Una nang gideklara nga persona non grata sa Isabela City,Basilan si Heydarian gumikan sa ngil-ad nga paghuglaway niini sa Mindanao.
