Imbestigaran sa tri-committee sa konseho, ning syudad ang grabeng pagdagsa sa langaw sa Barangay Lumbia.
Ang komitiba sa agrikultura, pangisda ug aquatic resources nga gipangulohan ni Konsehal Juancho “Antuy” Pascual mao ang mangulo sa imbestigasyon sa gi-report nga langaw outbreak sa apektadong barangay.
Ang pagdungog pagahimoon uban sa City Council health ug environment committees, isip tubag sa reklamo ni Col. Anselmo Ty II sa Philippine Air Force nga nag-ingon nga ang infestation sa langaw nagdala sa seryosong hulga sa kahimsog sa publiko, risgo sa pagkatakod sa sakit, kontaminasyon sa pagkaon, ug kalibog sa adlaw-adlaw nga kinabuhi sa mga residente.
Ang Sangguniang Barangay sa Lumbia usab nagpasaka sa maong kaso ngadto sa City Council.
Si Lumbia Punong Barangay Alexander Torralba miingon nga iyang opisina nakapasa na niini nga kabalaka sa City Health Office pa kaniadtong Septiyembre 24 sa miaging tuig.
Ang Johndorf Ventures Corporation usab nagsulat sa lokal nga gobyerno sa Munisipyo sa Baungon, nga nagpasangil nga ang mga poultry ug piggeries nga nag-operate sulod sa ilang lugar mao ang dakong hinungdan sa paglapas sa infestation ngadto sa mga puy-anan sa maong barangay.
