Gitino sa Villanueva Information Officer nga si Biboy Sabunod nga padayon ang imbestigasyon sa natigayong sunog nga miigo sa usa ka planta sa usa ka beverage company sa villanueva.
Namahayag si Sabunod sa Bombo nga human madawat sa BFP ang tawag mga alas 3:48 sa kaadlawon girespondehan dayun kini sa mga bombero.
Giingon niya nga mga alas 4:30 sa buntag nakontrol na ang kalayo ug alas 6 sa buntag gi-declare na kini nga totally fire out.
Dugang pa niya, dili tibuok planta ang naapektuhan sa mao ng sunod kay usa lang ka parte sa sulod sama sa transformer room ug MDP room ang natuhop sa kalayo.
Sa karon, giila nga electrical wiring ang posibleng hinungdan sa sunog apan padayon pa ang pormal nga imbestigasyon sa Bureau of Fire Protection ug LGU sa Villanueva.
Pasalig usab matod pa ang BFP nga wala na’y hulga sa kasikbit nga lugar ug kontrolado na ang sitwasyon tungod kay gamay nga sunog lamang ang nahitabo samtang padayon ang pagtimbang sa tinuod nga hinungdan sa insidente.
