CAGAYAN DE ORO CITY-Napatay sa kapolisan ang laing suspected drug pusher dihang gilusad ang anti-illegal drug operation sa Sitio Cala-Cala,Brgy Macasandig ning syudad kagabii.
Kini human giingong misukol ang suspek nga si alyas Bolantoy sa kapolisan nga gika-transaksyon niini pinaagi sa gibaligya nga suspected shabu.
Miingon si Macasandig Police Station commander Sr/Insp Mario Mantala nga nahinaykan sa ilang tropa ang suspek dihang laraw mopusil sa pulis nga gika-transaksyon hinungdan naigo ang dughan ug nagresulta sa iyang kamatayon.
Narekober sa crime scene ang kalibre 38 nga armas ug pipila ka sachets sa suspected shabu.
Si Bolantoy ang ikaupat nga suspected pusher nga napatay sa police operation sugod sa Agosto hangtod Setyembre ning tuiga.
