CAGAYAN DE ORO CITY – Giatubang sa tulo ka suspected drug pushers ang kasong pagsupak sa Dangerous Drugs Act of 2002 sa piskalya nunot sa pagka-kuha nila sa usa ka kilo sa gitoohang shabu atol sa buy-bust operation sa Barangay Saduc,Marawi City,Lanao del Sur.
Giila ni Philippine Drug Enforcement Agency-Bangsamoro Autonomous Region spokesperson agent ‘Jomari’ ang mga dinakpan nga sil Panarigan Ampuan Radia,49 anyos ug Abdul Batugan Dioangaan alyas Ali,47 anyos nga pulos nagpuyo sa Barangay Dilimbayan,Lumbayanague sa probinsya.
Miingon si agent Jomari nga nabaw gikan sa posisyon sa duruha ang halos 7 milyones pesos nga gitoohang shabu atol sa hiniusang operasyon sa ilang ahensiya kuyog ang kapolisan ug militar.
Gilayong gidala ang mga dinakpan sa PDEA-BARMM facility alang sa temporary custody samtang gihulat ang commitment order sa korte alang sa maong kaso.
Sa miaging unang semana sa Abril ning tuiga,may nadakpan gihapon ang government state forces pinanguluhan sa PDEA-BAR nga high value target diin nabawi ang 34-milyones pesos nga gitoohang shabu nga nagtimbang lima ka kilo sa Malabang,Lanao Sur.
