CAGAYAN DE ORO CITY – Apson sa Philippine Drug Enforcement Agency 10 pagduso’g kaso sa piskalya batok sa 43 anyos nga dinakpan nga suspected pusher sa Barangay Lunao,Alubijid,Misamis Oriental.
Kini human nasakote sa PDEA 10 operatives ang targeted personality nga si alyas Caloy nga taga-Marawi City.
Namahayag si PDEA 10 regional director Atty Benjamin Gaspi nga nabawi gikan kang alyas Caloy ang 50 gramos nga gitoohang shabu nga dunay kostar nga 340-mil pesos.
Siya miingon nga gihikay na sa iyang mga sakop ang mga gikinahanglang mga dokumento ug mga ebedensya aron maapas ang pagduso’g kasong pagsupak sa Dangerous Drugs Act of 2002 kontra suspek sa piskalya ning adlawa.
