CAGAYAN DE ORO CITY, Philippines – Magpabiling aktibo sa boksing si Marlon Tapales taliwala nga wala pay plantsada niya nga away sa nahibiling mga bulan, ning tuiga.
Miingon ang kanhi two-division ug unified world champion nga malipayon kini sa iyang kadaugan batok kang Indian challenger nga si Saurabh Kumar didto sa Olympic Stadium sa Phnom Penh, Cambodia kundiin siya ang giila nga mananaug pinaagi sa unanimous decision.
Gumikan sa iyang kadaugan, pabiling niyang gihuptan ang bakus sa WBC Asia Continental super bantamweight champion.
Sa kasamtangan si Tapales nagbaton sa record nga 39 daug, 4 pildi ug mihimog 20 Knockouts.
Kini na ang ikaduhang sagunson nga daog ni Tapales sukad siya gipilde ni Japanese superstar Naoya Inoue sa ilang sangka alang sa undisputed super bantamweight title.
