CAGAYAN DE ORO CITY – Nakasuhan na sa National Bureau of Investigation 10 ang bag-o apan dakong supplier sa gidiling droga nga naglihok dinhi sa dakbayan.
![](https://img.bomboradyo.com/cdo/2021/10/NBI4.jpg)
Kini human unang nadakpan sa anti-illegal drug buy bust operation sa mga operatiba ni NBI-10 regional director Atty Patricio ‘Pipo’ Bernales ang suspek nga si Dindo Dagcuta nga taga-Bantiles,Brgy Bugo sa dakbayan sa miaging gabii.
![](https://img.bomboradyo.com/cdo/2021/10/NBI2.jpg)
Miingon si Bernales nga lumad-taga Lanao del Sur ang suspek ug didto kini tigkuhaan sa iyang shabu suplay nga ibaligya niini dinhi sa dakbayan.
Nasayran nga anaa sa balor 300-mil pesos nga gitoohang shabu ang nakompiskar gikan sa maong suspek.
![](https://img.bomboradyo.com/cdo/2021/10/NBI3.jpg)
Una usab niini,giangkon ni Dagcuta nga tighatod lang daw kini sa mga suplay nga moagi kaniya ngadto sa iyang mga parokyano.