Nahugyaw ang mga bisita nga mitambong sa ika-upat nga State of the Nation Address/SONA ni Pres Bongbong Marcos nga nasampit niya si PNP chief General Nicolas Torre III.
Kini human apil sa nabatbat sa presidente ang mga programa sa isports diin angayang ipalig-on pa aron magbaton sa mga nasudnong atleta ang Pilipinas nga makahatag sa dugang kadungganan gikan sa mga apilan nga mga paugnat sa kusog.
Nasampit ni Marcos ang mga atletang Pinoy nga dako’g nahatag nga dungog alang sa Pilipinas nga naglakip kang Manny Pacquiao,Hidilyn Diaz, Carlos Yulo,EJ Obiena ug daghan pang uban.
Nahugyaw kay giapil man niini sa pagsampit si Torre nga daw bag-ong kampeon.
Dumduman nga si Torre gideklara nga winner by default sa boxing charity match nila ni acting Davao City Mayor Baste Duterte taliwala tungahi sa ilang gitakdang away sa kauluhan kagahapon sa buntag.
Daw nahimoot si Marcos nga militok sa pangalan sa heneral diin gi-respetaran usab niini pinaagi sa pagtindog ug nagpaambit nga daw siya nalipay sa pagkasampit sa iyang pangalan.
Gilayong miani kini sa nagkadaiyang reaksyon gikan sa social media netizens.
