Mi-akusar si kanhi Senador Antonio Trillanes nga si kanhi Presidente Rodrigo Duterte ug ang iyang pamilya nakadawat sa P181 milyon gikan sa drug lord nga si Samuel “Sammy” Uy.
Gipangugat kini ni Trillanes, dihang gisubpoena xa sa impeachment complaint hearing ni Vice President Sara Duterte.
Gipalanog sa iladong political detractor ni Duterte nga ang iyang anak nga si Vp Sara nakadawat sa P22.3 milyon, samtang si kanhi Presidente Duterte nakadawat sa P15.65 milyon.
Miakusar usab si Trillanes nga si Davao City Mayor Sebastian Duterte giingon nga nakadawat sa P51.5 milyon, ug si Rep. Paolo Duterte sa P38.3 milyon.
Wala palabya ni Trillanes ang common law wife ni Duterte nga si Honeylet Avanceña ug ilang anak nga si Veronica Duterte nga giingon nga nakadawat sa P53.27 milyon sa lain-laing transaksiyon.
Namugos si Trillanes kini nga mga cheke ug bank transactions wala gipakita sa SALN ni Sara Duterte ug tataw nga naglangkob sa betrayal of public trust, graft ug corruption.
Ang Anti-Money Laundering Council (AMLC) mitugot nga adunay 27 suspicious transaction reports nga naglakip sa pangalan ni VP Duterte ug sa iyang bana nga si Mans Carpio.
