Nabulgar atubangan sa publiko pinaagi sa pag-atubang sa prensa sa 15 ka kanhi sakop sa Philippine Marines Corps nga giingong migasto sa minilyong sa salapi ang Pilipinas sa hilom nga imbestigasyon sa International Criminal Court sa war on drugs policy ni former Pres. Rodrigo Duterte tuig 2023.
Kini human gilatid sa sinumpaang-pahayag sa former Marine members nga giingong nagamit sila aron makambiyuhan ang 52 milyones pesos ngadto sa dolyares nga salapi subay sa kasuguan ni kanhi Ako Bicol partylist Rep Zaldy Co aron magamit sa ICC investigators.
Namahayag ang ilang abogado si Atty Levito Baligod nga apil sa milihok aron mapasayon ang mga gimbuhaton sa ICC investigators si kanhi Senator Antonio Trillanes IV.
Sa pagsaysay sa kanhi mga sundalo, nasulti nila nga si Trillanes ang mihatag sa pipila ka personalidad nga direktang imbestigaron sa ICC.
Dugang ni Baligod nga nakasulod usab ang ICC investigators sa New Bilibid Prisons diin atua nadetinado ang tulo ka kanhi pulis nga mipusil-patay kaniadto kang Kian de los Santos.
Nakadalikyat usab daw ang mga imbestigador sa ICC sa Paghilom diin atua si Rev.Father Flavi Villanueva.
Dumduman nga sa wala pa dakpan sa kapolisan si kanhi Duterte sulod sa eroplano sa NAIA niadtong Marso 11 miaging tuig, daghang higayon nga misulti si Pres Bongbong Marcos nga daw dili makig-kooperar sa ICC sa isyu sa war on drugs policy sa milabay’ng administrasyon.
