Giklaro sa mag-igsoong Senator Raffy Tulfo ug Senator Erwin Tulfo nga wala silay plano nga modagan sa mas taas nga posisyon sa gobyerno.
Base sa mga survey, nakab-ot ni Sen. Raffy Tulfo ang kaparehong rating ni Bise Presidente Sara Duterte isip usa sa mga presidential bet sa 2028 elections.
Apan matod niya nga pinal na ang iyang desisyon nga magpadayon isip re-electionist sa pagka-senador sa umaabot nga eleksyon.
Sumala ni Tulfo nga kontento siya sa iyang trabaho sa Senado ug dili na gustong sundon ang sayop sa uban nga magbabalaod nga misulay sa mas taas nga posisyon sa ilang unang termino apan napakyas. (phillip ariata)
