CAGAYAN DE ORO CITY – Dili maka-apektdo sa gipalig-on nga internal security operations (ISO) sa Armadong Kusog sa Pilipinas batok sa armadong kalihukan sa New People’s Army (NPA) ang pagkomento sa United Nations International Criminal Court nga dili na epektibo ang National Task Force to End Local Communist Armed Conflict (NTF-ELCAC) sa pagtubag sa isyu sa kahusay’g kalinaw sa nasud.
Pagpasabot ni Philippine Army spokesperson Col. Louie Dema-ala nga gipaminaw nila ang komento ni UN Special Rapporteur Irene Khan apan wala kini epekto sa Armed Forces of the Philippines kay mismo ang Pilipinas ang mas nasayod kung giunsa pagtubag ang hisgutanang kahusay’g kalinaw ug ubang mga isyu nga nag-sentro niini.
Gibutyag ni Dema-ala nga walay perpekto nga programa sa bisan asa nga bahin sa kalibutan rason nga padayon ang pagpatuman sa NTF-ELCAC kay mismo ang publiko ang nakasaksi kon giunsa paghuyang sa armadong kalihukan ug pag-ubos sa mga sakop kay nagtahan na sa gobierno.
Dumduman nga mismo pa si Pangulong Ferdinand Marcos Jr nga nagsilbing commander-in-chief ang nagpasalig nga magpabilin ang NTF-ELCAC kay wala pa matibawas ang pagtubang sa internal security theats sa nasud.
