CAGAYAN DE ORO CITY – Gihulagway ni Gov. Peter Unabia nga dakong bakak ang pasangil batok kaniya nga nagsilbin ahente sa kompanyang Meralco ang kagamhanang probinsyal aron mapasayon ang joint venture nga sudlan sa MORESCO 2 sa lalawigan.
Miingon si Unabia nga ang pasangil ni kanhi Misamis Oriental Vice Gov. Joey Pelaez ang resulta sa wala niya pagtambong sa maong katiguman.
Kini aron unta madungog ang iyang mga kahingawa ug pagduda sa nahisgutan nga katuyuan.
Miingon si Unabia nga giimbitar nila ang maong kompanya aron mopaambit usab sa ilang expertise sa pagpadagan sa koryente nga kakuhaa’g ideya sa Misamis Oriental Electric Cooperative Incorporated o MORESCO 2.
Namugos ang gobernador nga kasulbaran sa dugay nang problema sa maong kooperatiba ang tumong sa gipatawag nga tigom sa Gingoog City kagahapong adlawa.
