CAGAYAN DE ORO CITY, Philippines – Olympic gold medalist na si Notre Dame swimming star – Chris Guiliano.
Nangulo si Guiliano sa paglangoy sa ikaduhang leg sa men’s 4×100 freestyle relay niadtong Sabado pinaagi sa split 47.33 seconds human sa paspas nga reaction time nga 0.11 segundos.
Iyang kauban sa Team USA sila Jack Alexy, Hunter Armstrong ug Caeleb Dressel.
Natapos sa team ang relay pinagi sa 3:09.28, ug diriyot maguba ang kasamtanga world record sa Olympics.
Segun sa unibersidad sa Notre Dame, Guiliano pa ang labing una nga varsity swimmer sa lalaki nga nakasulod sa US Olympic team.
Gawas sa iyang olympic medal, nahuptan usb ni Guiliano ang 4-time Champion sa Atlantic Coast Conference (ACC) Swimming Competition ug 5-time member sa NCAA First Team All-American.
Siya usab ang mitabang sa Irish University nga makalanding sa ilang lbing una nga top-10 spot pagkahuman sa NCAA Championships kaniadtong Marso.
Si Guiliano lumad nga taga Douglassville, Pennsylvnia ug duna pay labing menos upat ka mga events nga iyang tambungan.
Kini gilangkoban sa 50, 100 ug 200 free ug 4 × 200 free relay.
Ang sunod nga atubangon ni Guiliano mao ang 200 freestyle swimming sa adlaw’ng Dominggo.
