Gisaway sa Archdiocese of Cagayan de Oro ug gitan-aw nga usa ka dakong wake-up call sa mga politiko ang pagkahimong unconstitutional sa pondo sa gobyerno sa milabayng mga tuig.
Gitin-aw ni Archdiocese Apostolate Communication Officer Fr. Der John Faborada nga ang maong desisyon sa Korte Suprema usa ka pagpahinumdom nga unahon ang tinuod nga pagserbisyo sa katawhan imbes ang personal nga interes.
Gidugang sa opisyal nga gawas sa pagpakabana ug pagbantay batok sa korapsyon sa gobyerno, kinahanglan usab ang padayong pag-ampo alang sa mga lideres nga nagdumala sa nasud.
Busa, nanawagan ang Simbahang Katoliko sa publiko nga magmatinguhaon sa pagpabilin sa tinuud-anay nga pagserbisyo ug pagtabang ilabina sa mga kabus.
