Gitug-an sa grupong United Drivers Association (UNIDA) nga daghan pa sa ilang miyembro nga mga drivers ang wala makadawat sa feul subsidy ug cash ayudad.
Gibutyag ni UNIDA President Joel Gabatan nga gikan sa 5000 pesos nga cash ayuda, anaa lamang sa 1500 pesos ang ilang nadawat.
Gani, miingon ang grupo ni Gabatan nga mubisita sila subli sa Land Transportation Franchising and Regulatory Board (LTFRB-10) Office aron makapangayo sa katin-awan kay makalolooy na kaayo ang kahimtang sa tradisyonal jeepney drivers nga nagsagubang sa kapon bulan nga increase sa singil sa lana.
Gibutyag ni Gabatan nga hulaton nila ang katapusang adlaw sa Abril, ayha mulusad sa ilang sunod nga laraw.
Maoy gikabalak-an sa grupo ni Gataban ang ikaduhang hugna sa rollback sa produktong petrolyo sa Martes Abril 22 kay sigurado nga padulong na sa “thank you” o wala na silay madawatan, kay kini na ang himoong rason sa gobyerno aron tak-upan na ang ilang ayuda program.
Dinhi sa syudad, mukabat sa 500 ka drivers ug operators ang miyembro sa UNIDA.
