CAGAYAN DE ORO CITY, Philippines – Mibati sa dakung pagmahay si Senador Ronad Bato dela Rosa sa pagkabuak sa Unity Team.
Gihimo ni dela Rosa ang pamahayag luyo sa kasamtangang pag-utingkay sa mga magbabalaod sa duha ka impeachment complaints batok Vice President Sara Duterte.
Miingon si dela Rosa nga daw gibudol sa Unity Team ang katawhan Pilipino sa pagtuo nga mahuptan sa nasud, bisan sa unom ka tuig ang kalinaw sa sektor sa politika.
Ilado si Dela Rosa nga alyado ug higala sa pamilya Duterte.
Una niini, kusog ang pagtuo sa amahan ni VP Sara nga si kanhi Presidente Rodrigo Duterte nga mabasura ang impeachment complaints sa iyang anak pag-abot sa hawanan sa senado tungod sa kahuyang sa mga gipresentar ug gi-maniobra nga mga ebidensya.
