CAGAYAN DE ORO CITY – Gipaniguro sa Police Regional Office 10 nga walay nahatag nga negatibong epekto ang presensiya sa tropang Kano nga gikauban sa mga sundalong Pinoy sa Balikatan Exercise sa Bukidnon apan nagsaka sa pipila ka hotels sa dakbayan.
Kini human unang miani sa nagkadaiyang reaksyon ang US Marines visit sa Mindanao epekto sa lokasyon sa EDCA sa Brgy Lumbia sa syudad.
Namahayag si Police Col. Reynante Reyes,deputy director for operations sa PRO 10 nga mismo siya ang gika-estorya sa US Marines officials kuyog ang Armadong Kusog sa Pilipinas diin gigarantiya nila nga walay angay ikabalaka ang publiko.
Gipasabot ni Reyes nga bugtong tahas sa kapolisan ang paghatag sa seguridad sa maong mga sundalo samtang anaa pa sa poder sa rehiyon.
Gibutyag sa opisyal nga mismo ang kasundaluhan sa 4th ID,Philippine Army ug Philippine Air Force ang makahatag sa ensaktong pagpasabot sa gisudlang kasabutan tali sa Amerika ug Pilipinas.
Gihimo ni Reyes ang garantiya atubangan sa sesyon sa 20th City Council diin unang nagpatawag sa 4th ID,Philippine Army,Philippin Air Force,DILG ug mismong US forces aron mohatag lamdag sa maong kalihukan.
Samtang gipasabot usab ni Majority Leader Kagawad Atty. Edgar Cabanlas nga napakyas pagtunga ang AFP officials kay wala pa’y nahatag nga official approval si Defense Secretary Gilbert Teodoro Jr.
Apan miingon si Cabanlas nga personal kini gibisita ni 4th ID commanding general Major General Michelle Anayron Jr aron ipaabot ang ilang kaandam pagtunga una sa sesyon pero maglisod sila pagtuman tungod sa ilang gasundon nga protocol sulod sa AFP.
