Gi-anunsyo sa U.S. Navy nga magsugod karong Lunes ang blockade sa tanang barko nga moadto o mogikan sa mga pantalan sa Iran, human mapakyas ang negosasyon sa Islamabad.
Segun sa Chairman sa U.S. Joint Chiefs of Staff Dan Caine, ang blockade motakdo sa tanang barko bisan unsa pa ang nasyonalidad, ug apil ang mga sakayan nga sakop sa U.S. sanctions o nagdala og kontrabando.
Giwarningan ni Caine nga gamiton nila ang puwersa kung dili mosunod ang mga barko.
Hangtod karon, 13 ka barko ang napabalik apan wala pa’y gikinahanglan nga boarding.
Ang blockade gipahigayon sa dagat palibot sa Iran ug sa international waters, ug giapil ang kapin 10,000 ka U.S. sailors, Marines ug airmen nga gisuportahan sa 12 ka warships ug daghang aircraft.
Miingon ni U.S. President Donald Trump nga ang gubat sa U.S.-Israel batok Iran “hapit na matapos,” samtang ang duha-ka-semana nga ceasefire molapas na sunod semana ug posibleng i-extend.
